中一光學+DKL篇(進階)：眾神的珠戒 Voigtlander Skoparex 35mm f3.4



由於毒友同事有不少DKL鏡, 所以我們研究到DKL駁中一光學以取得Full Frame的效果, 今次介紹老福名鏡眾神的珠戒, 鏡頭小巧, 易於對焦, 影風景一大利器, 手動對焦更是輕易, 沒有難度。

 

鏡頭加接環後再駁上XE1外觀, 很輕細, 方便隨身攜帶

 

 

 

西德製造, 德頭的工藝係唔同D

 

今次接駛的Mount, 1.DKL-->M42  2.M42-->MD    3.中一光學MD-->Fuji X mount

 

先將DKL mount駁上M42 mount, 使之由DKL駁到Minolta MD

 

 

DKL駁了MD時模樣, 已經駁了2個mount

 

將Mount 駁上中一減光增焦接環, 經研究後, 不是每支DKL鏡也可以接駁, 但經測試後, 珠戒是可以完全咁用, 而且有無限遠

 

試鏡：顏色鮮艷, 立體感強

 

影風景一流

 

面對逆光也OK, 不用怕

 

 

下面2張是用一般接環影的

 

 

中一光學+M42篇: 罕有Fujinon EBC 100mm f2.8

裝上鏡頭加接環外表, 輕巧得來很夾XE1的平衡, 加上原廠遮光罩及EBC鍍膜完任可以同陽光玩遊戲。

呢支鏡唔常見, 上網搵關於鏡頭的介紹及相片也唔多提及, 可能富士M42鏡頭只推出8年, 不是主流, 而流通量唔大有關吧! 

Fujinon EBC 100mm f2.8, 套在m42 mount上, 再放m42-->Minolta MD Mount-->中一減光增焦接環, 裝上XE1上, 就做到100mm等效焦距, 影人像唔駛行咁遠, 又用盡鏡頭的散景, 真係平玩Full Frame人像鏡喔! 呢支鏡, 影人像立體得來夠鮮明, 豔麗, 與Minolta走清淡路線好唔同。

Fujinon EBC介紹

Fuji成功推出使用EBC鍍膜技術用在自己的M42羅口鏡頭Fujinon EBC上, 很多專家對其表現讚嘆不已。在1974年第4期<Fotografare>雜誌上Maurizio Micci對Fujinon EBC, Super Takumar和SMC Takumar做了抗眩光對比測試, 結果Fujinon EBC鏡頭完勝。

M42頭駁MD 中一減光增焦接環駁Fuji X接環方法：
http://oldlensbaby.blogspot.jp/2014/02/fuji-m42-mount-fujinon-ebc-50mm-f14.html

最近對焦為1.2M

XE1加中一減光增焦接環: Monochrome直出：

XE1加中一減光增焦接環: Astia直出：

XE1加中一減光增焦接環: Astia直出：

影綠色植物顏色好清新

Fuji 中一接環駁M42 Mount : Fujinon EBC 50mm f1.4

由於Fuji FX Mount 中一減焦增光接環只得MD及PK版本, 我本身有一D M42接環, 我同毒友同事度了一大輪, 研究到M42-->Minolta MD--> 富士無反FX

經過試驗後終於成功了, 仲要有無限遠, 由於小弟用富士XE1關係, 當然找來最有富士味的Fujinon EBC 50mm f1.4, 我自己好鍾意呢支鏡, 見網上師兄咁講：

由於當時Fujica的M42羅口機身並不是市場主流，加上生產時間短(前後八年左右)，M42口的EBC鏡頭生產數量不大，所以現在才成為市場的搶手貨，極具收藏價值。
EBC鍍膜被稱為三大鍍膜之首，當年FUJI做出的鍍膜, 在技術上是世界第一的, EBC的11層鍍膜, 在成本和技術上也是最高的。由EBC鍍膜鏡頭拍出來的照片發色自然，對於綠色及人的膚色的表現尤其突出，拍綠色植物時“綠油油”，“青翠欲滴”的感覺令人難忘；拍美女的皮膚時有“美白效果”，拍出來白裡透紅，非常討人喜歡。



 

富士無反而家都未有50MM呢個焦段(只係35mm f1.4, 等效焦距52mm), 而家我配合埋中一接環用, 50mm標準鏡視角而家完全可用, 最近對焦距離0.45m, 50mm真的很方便日常使用呢。

中一接環+M42轉MD, 就可以由M42轉FX了...

自己試過, 影人係幾有層次, 同埋由於EBC關係, 舊鏡黎講唔算怕逆光, 影人時可以影逆光相都OK。

 以下相片全部jpeg standard直出：

 

 室內人像：

 

逆光人像：

 

逆光下完全冇問題

 

夜晚室內人像：

 

 

戶外自然光相片：

影花層次都好好, 發色自然

 

 

 

 

Minolta 平玩2光圈：Minolta MD 45mm F2

Minolta老鏡基本有分MC同MD, 主要係MC較耐歷史, MD較新, 詳情可見其他Blog也有詳盡介紹。

http://www.360doc.com/content/12/0727/09/187781_226708858.shtml

今次介紹呢支餅干鏡又平又輕, 49mm口徑, 膠鏡, 125g, 細細支岩哂我平日跟身用, 而且我本身比較鍾意定焦鏡, 俾d試影相大家睇睇

以下相片全部用中一減焦增光接環, 無後製直出, 富士XE1 Standard mode

 

套在XE1身上也很小巧....  用舊鏡, 加返個遮光罩, 因為舊鏡鍍膜較差, 怕光, 用了遮光罩效果會好d, (呢個係我個毒友同事發現), 配遮光罩, 鏡頭蓋等配件去鴨記就平平地搞店。

 

搵個靚仔試下人像效果先, 成像幾好, 用大光圈也ok, 而且minolta顏色較清淡素雅, 影人像都好自然, 最近對焦距離為0.45m, 雖然套在中一減焦增光接環後個對焦距離感覺有小小唔同，不過有無限遠就ok啦。

室內用, 由於有了減焦增光接環關係, 快門可略快一點, 增加成功率。

 

下面張可以見到呢支鏡的色彩同套在中一減焦增光環後的成像表現, 很明顯四角的成像係差了點, 如果對畫質有就要求的用家就唔岩了, 不過一般用是ok的, 畢竟我寧願用到45mm視角, 同埋支鏡原本的散景, 唔太遠的距離可以用到, 再加上呢支鏡個價錢, 真係冇得輸, cp值極高的一個有品味玩法, 畢竟買支富士原廠定焦鏡對我呢d budget有限的窮人來說係有d困難, 加上就算俾錢買都冇full frame俾我玩...>.<